Ac'hanta bugale! Evidoc'h eo an abadenn-mañ (ar re vras a c'hell selaou anezhi ivez. Ni a oar ez eus chomet un ene bugel gant ar pep brasañ deusoutoc'h…).
Bep Merc'her ha bep sadorn da 1 eur ha da 7 eur e vez kinniget deoc'h, gant Lou klevet bugale ha krennarded o kontañ o buhez er skol, en diavaez eus ar skol, gant o familh, o mignoned, o loened hag all…
Ur gontadenn a vez dibunet evidoc'h gant Loik pe Sten. Ur farsadenn nevez a vez bep sizhun hag ur c'hoari da c'hounit profoù zoken (d'ar Merc'her e-barzh abadenn 1 eur hepken).
Un hanter eurvezh a brogrammoù evit ar re yaouank ha graet gant ar re yaouank eo Deomp dezhi!. Deoc'h eo an abadenn: skrivit pe pellgomzit deomp m'ho peus kinnigoù, evezhiadennoù, gourc'hemennoù (dreist-holl) d'ober.
